Белавокая Наталля

Нарадзілася 15 траўня 1968 г. у в. Паморшчына Валожынскага раёна.

Скончыла Рэспубліканскую школу-інтэрнат па музыцы і выяўленчым мастацтве імя І. Ахрэмчыка (1986) і Беларускую акадэмію мастацтваў (1993). Вучылася ў Пётры Шарыпы, Рыгора Сітніцы, Аляксея Марачкіна, Віктара Грамыкі, Барыса Аракчэева.

Сябар Беларускага саюза мастакоў з 2008 г. У мастацкіх выставах бярэ ўдзел з 2000 г. Творы экспанаваліся на шматлікіх айчынных выставах. Брала ўдзел у міжнародных праектах – “Apple смак” і іншыя. Удзельнічала ў міжнародных пленэрах.

Персанальныя выставы: Менск, галерэя «Добрыя Мыслі» (2006), Літаратурны музей Максіма Багдановіча (2007), сядзіба Таварыства беларускай мовы імя Францішка
Скарыны (2009), Мастацкая галерэя Інстытута тэалогіі Беларускага дзяржаўнага ўніверсітэта (2008). “Прастора звычайнага” Галерэя Мастацтва ГАБСМ (2018).

Працуе ў галіне станковага жывапісу ў жанрах краявіду, рэчавіду, партрэта ў тэхніцы жывапісу па ляўкасе. Асноўныя творы: «Гальшанскі замак» (2006), «Сынкавічы. Вецер поўначы» (2007), «На Іслачы» (2007), «Леташні букет» (2008), «Лістападаўскія яблыкі» (2011), «Смаляны. Белы Ковель» (2013), «Сіні лес» (2014), «Успамін пра бабулю» (2014). “Чорны лебедзь” (2017), “Разоры” (2018), “Чырвоныя дзверы” (2018). Адрэстаўравала абразы і зрабіла роспіс у Спаса-Праабражэнскай царкве XVIII ст. у мястэчку Смаляны (Аршанскі раён).

Творы захоўваюцца ў Мастацкай галерэі Міхаіла Савіцкага, у прыватных калекцыях Беларусі, Францыі, Галандыі, Польшчы.

Педагагічнай дзейнасцю займаецца з 1994 г. Выкладчык кафедры дызайну ў Інстытуце сучасных ведаў імя А. Шырокава.

Жыве ў Менску.

Адрас электроннай пошты — nataliya.belookaya@gmail.com